Tomtene

I fyrste byggetrinn er 22 boligtomter med særs god plassering i terrenget og fritt utsyn mot Jotunheimen for sal. Her får du sjeldant god utsikt utover dal og høgfjell - og eventyrleg natur og turmoglegheiter heilt inn på dørhella.

På Kvarbergåsen har du Jotunheimen som nabo og eit sjarmerande og lys levande bygdesentrum i gåavstand. Tomtene på Kvarbergåsen har areal frå 772 kvm til 1703 kvm. Dei fleste tomtene er omgitt av friareal og LNF-areal som gir god føling av rom, privatliv og nærleik til kulturlandskapet. Tomteområdet er variert med ulike kvaliteter på tomtene, mellom anna med tanke på sol og utsikt. Tomtene er sjølveige og blir tinglyst med eige gards- og bruksnummer.

Infrastruktur

Vatn og avløp

Tomtene på Kvarbergåsen er kobla til privat anlegg for vatn og avløp. Prisane ligg på nivå med dei kommunale avgiftene i Vågå kommune.

Elektrisitet og breiband

Tomt blir levert med straum og fiber (breiband) inn til tomtegrensa.

Veg

Grunneigar står for vedlikehald og vinterbrøyting av felles vegareal inntil velforeining for Kvarbergåsen er etablert.

Velforeining

Det vil bli skipa velforeining for tomtefeltet. Tomtekjøpar er forplikta til å vere medlem. Velforeining vil administrere felles fasiliteter som vegar, leikeplassar med meir. 

Byggeskikk

Innanfor visse rammar står du på Kvarbergåsen veldig fritt til å velje utforming på eigen bustad. Her er dei fire viktigaste reguleringane du som byggherre må ta høgde for. 

Frittliggande bustader

Området skal nyttast til einebustad med tilhøyrande garasje/uthus. Einebustad kan bli reist med to etasjar og eventuelt sokkel der terrenget tillet dette. Gesimshøgde skal ikkje overstige 7 meter, og mønehøgde skal ikkje overstige 9 meter. 

Tradisjonell byggeskikk

Tak skal utførast som saltak eller pulttak med takvinkel mellom 22 og 40 gradar. 

Lite tun?

Tomta skal i tillegg til ein biloppstillingsplass i garasje/uthus, ha plass for to bilar på eigen grunn. Garasjen kan byggast i nabogrense og eventuelt saman med naboen sin garasje. Utleigedel skal ha oppstillingsplass for ein bil.

God plass

Bebygd areal (BYA) må ikkje overstige 25 prosent av tomtearealet.

Det gode liv innan rekkevidde

Innan ein radius på to kilometer frå dørstokken på Kvarbergåsen ligg jobb, skular, barnehagar, butikkar og fritidsaktiviteter tett som hagl i eit intimt og levande sentrum som attpåtil ser ut som Skomakergata. Du kan gå, sykle eller ake frå heime - anten du skal ned i sentrum, ut i skogen eller opp i snaufjellet. Og når du set deg i bilen er reisa eit frikvarter i spenstig natur, ikkje ein frustrerande tidstjuv morgon og kveld. Berre kom og sjå!

Trolsk furuskog med turstig til fjells og ned til sentrum. Unikt levande kulturlandskap med 40 kilometer merka vandrestiar, historiske fjellgardar, småviltjakt, bærplukking, skiløype, panoramautsikt mot Jotunheimen - og framfor alt gode og aktive naboar.

5 minutt

Vågåmo sentrum med skular, barnehage, stavkyrkje, busstasjon, kaféar og matservering, daglegvare, kolonial og ei mengd nisjebutikkar, kjøttforretning, idrettshall, idrettsarena, svømmehall, idrettshall, bowling, klatrevegg og buldrerom, kulturhus, kino, skate- og sykkelparken, aktivitetspark, offentlege tjenester, fiskevatn og turstiger. Snaufjell, unikt kulturlandskap og smellvakre Vågåvatnet ligg og ein svipptur heimefrå.

Eitt kvarter

Langrennsløyper og ljosløyper, motocrossbane, utandørsklatring, tennisbane, skytebane, luftsportsenter, og høgfjell med jakt, fiske og bærplukking.

Halvtimen

Supertrivelege Lemonsjøen Alpinanlegg med sitt unike skimiljø og espressobar på Kalven Seter, den hemmelege perla Finndalen, rikskjente Bakeriet i Lom, togstasjon og kjedebutikkar i handelssenteret Otta, tre vidaregåande skular, kjendisrestauranten Vianvang, magiske Jettfjell og panoramautsikta til mykje meir enn sju blåner frå Blåhø. 

Ein time

Sjodalen, Besseggen, Galdhøpiggen, Valdresflya, Sognefjellet, Rondane, Jotunheimen, Dovrefjell, Reinheimen, Breheimen, Vinstra

Du har draumen - vi bygger huset

På Kvarbergåsen sel vi boligtomter - og let det vere opp til deg korleis du vil realisere husdraumen. Bygg gjerne sjølv, treng du hjelp har Vågå ei mengd framifrå handverkarar som arbeider hardt, samvitsfullt og leverer med høg kvalitet. Her treff du nokre av dei.

Skogen entreprenør

Lokale Skogen Entreprenør kjenner Kvarbergåsen som si eiga bukselomme, og hjelp deg gjerne med både prisoverslag og opparbeiding av tomt. Her er tomta de i trygge hender!

Boligpartner

Nasjonal husprodusent med breitt utval i arkitekttekna ferdighus. Spanande liner med form og luft, eller koseleg og romantisk stil? Boligpartnar har utvalet og let deg velje både ferdighus og personlege løysingar innvendig.

Brun Bygg

Brun Bygg er fagfolk til fingerspissane og gir gjerne hjelpe deg å realisere drømmehuset. Vi gir tilbod både på delenterprise og totalentreprise på heile huset levert nøkkelferdig - i fall du sjølv har hendene fulle med flyttelasset. 

Trehuseksperten

I den unike kulturgrenda Nordherad ligg eit høgt tal freda hus. Ynskjer du følgje gamle tradisjonar og byggestil som i nabolaget, kan vi varmt tilrå laftebygg reist av Trehuseksperten i Vågå. 

Velkomen på tomtevisning

Sjå oppom Kvarbergåsen på veg til Jotunheimen, Rondane eller Dovrefjell!

Fjellbygda Vågå har masse å by på gjennom fire fantastiske årstider - og høgdepunktet kan fort bli tomtevisning på Kvarbergåsen.

Tomtekikken let seg ypperleg kombinere med fjellturar i Jotunheimen, alpin moro på Lemonsjøen, overnatting på unike gardshotell i Vågå eller verdas beste bolle på Bakeriet i Lom - eller kan hende ein tur til Fjord-Noreg? 

Fyll ut kontaktskjemaet, så held vi kontakta til du får lyst å ta turen til Vågå. 

Velkomen skal du vere!